Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

बोली बन्द हुँदा बाँधेर राखियो बन्दनालाई

Monday, April 3, 2017 National Power

२१ चैत, धादिङ – धादिङको सल्यानटार–७ स्थित बोक्सो गाउँकी एक बालिकाको भूकम्प गयदेखि बोली बन्द भएको छ । ती हुन सल्यानटार–७ कि आमा कमला र धन कुमारी कुमालकी ६ वर्षे नातिनी बन्दना कुमाल ।

२०७२ साल वैशाखमा गएको भूकम्पअघि उनी विद्यालय जाने, सबै संग बोल्ने, विद्यालयमा शिक्षकहरुले पढाएको कुरा घरमा आएर पढ्ने पढ्ने पनि गर्थिन् । जब भूकम्प गयो बन्दनाको बोली पनि बन्द भएको हो।

त्यसपछि बन्दना एकोहोरो हिँड्ने, घरबाट निस्केपछि नफर्कने, जे पायो त्यही खाने गरेपछि घरमा एक्लै छाडेर हिँड्न नमिल्ने र हराउने भएपछि उनलाई घरको पिँढीमा बाँधेर राख्ने गरेको हजुरआमा धन कुमारीले बताईन् ।

अहिले उनी दिसापिसाब लागेको, भोक लागेको पनि चाल नपाउने भएपछि खानेबेला
भयो भनेर आफैले खुवाउनु पर्ने पनि धन कुमारीले बताईन् ।

घरखर्चका लागि ज्यालामजदुरी गर्नुपर्छ । उनको उपचार गराउँदा गराउँदा लागेको ऋण अब तिर्न नसकिने अवस्था आइसकेको बन्दनाको आमा कमलाले बताउनुभयो ।

अहिले उनीहरु सग भूकम्पपछि बनाइएको एउटा सानो कच्ची घर, घर भित्र दुई चार वटा भाँडा रपुरानो भइसकेको कपडाबाहेक केही छैन ।

ज्यालामजदुरी गर्न जाँदा वा घर छाडेर हिँड्नु पर्दा बन्दनालाई बाँधेर राख्ने गरिएकोआमा कमलाले बताईन् । उनले उपचारको लागि सहयोग गर्न पनि आग्रह गर्नुभयो