Wednesday 10th August 2022

    विद्यालयको व्यवस्थापन समितिको अध्यक्षमा सानुकाजी थापा चयन     हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै

सामूहिक टमाटर खेतीबाट प्रतिव्यक्ति डेढ लाख

Sunday, April 2, 2017 National Power

२० चैत्र, नेपालगन्ज – नेपालगन्ज कैलास कृषि सहकारीमार्फत जानकी गाउँपालिकाको बेलभारमा किसानले सामूहिक टमाटर खेती गरेका छन् । २२ बिघा जग्गाको टमाटर खेतीबाट प्रतिव्यक्ति डेढ लाख रुपैयाँभन्दा बढी कमाइ गरेको बताए ।

सो जमिनबाट यो वर्ष ६ सय ६० मेट्रिक टन उत्पादन भएको छ । एक वर्षमा १ करोड ५५ लाखको टमाटर बिक्री भएको सहकारीले जनाएको छ ।

यहाँको टमाटर नेपालगन्ज, कोहलपुर, सुर्खेत तथा दाङसम्म पुग्ने गरेको सहकारीका अध्यक्ष कमलेश थापाले बताए । टमाटर खरिद गर्न व्यापारीहरू घरमै आउन थालेका छन् । यहाँका बजारमा टमाटर प्रतिकिलो २० रुपैयाँ थोक मूल्यमा बिक्री हुने गरेको पनि बताए ।पहिले व्यक्तिगत रूपमा टमाटर खेती गर्दै आए पनि दुई वर्षदेखि यसलाई व्यावसायिक र सामूहिक बनाएका हुन् ।

सहकारी सचिव निरञ्जन शर्माले असारमा सुरु गरिएको खेतीबाट पछिल्लो वैशाखसम्म उत्पादन हुन्छ । टहरा बनाउँदा श्रमदानदेखि ब्याड बनाउने, बेर्ना सार्ने, गोडमेल गर्ने र टमाटर टिप्ने काममा पालो लगाई सबैले समान रूपले काम गरेकोउनले बताए ।सामूहिक काम गर्दा आर्थिक रूपले आत्मनिर्भर बन्ने, सहयोगी भावनाको विकास हुने उनले बताए ।टमाटर उत्पादन हुँदा सहकारीको नाममा जम्मा गर्ने र उत्पादनको काम सकिएपछि खर्च कटाएर बाँडफाँड गर्ने गरेको सहकारीले जनाएको छ ।