अवैध हाब्रेको छालासहित चारजना पक्राउ

२० चैत्र, काठमाडौं – नेपालका दुर्लभ वन्यजन्तु (हाब्रे) रेड पाण्डाको छालासहित चारजना पक्राउ परेका छन् ।

आइतबार पक्राउ पर्नेमा कालिकोट धर्मराज मल्ल, पूर्णबहादुर सिंह, जीवन सिंह र रोशनकुमार मल्ल लाई कानुनी कारबाहीको लागि जिल्ला वन कार्यालय हात्तिसार काठमाडौं पठाइएको छ ।

न्युरोडगेटमा बिक्री वितरण गर्ने उद्देश्यले रेड पाण्डाको छाला बोकी हिँडिरहेका चारजनालाई नेपाल प्रहरी अपराध अनुसन्धान महाशाखाको टोलीर्ले पक्राउ गरेको छ । ।

प्रहरी अनुसन्धान अनुसार सोको छाला चैत १६ गते जीवन सिंहले नेपालगन्जबाट ल्याएको र धर्मराज मल्ल लगायतका अन्य दुईजनासँग भेटी ८ लाख ५० हजारमा बिक्री वितरण गर्ने तयारी गरेको खुलेको छ ।