एमालेलाई किताब

१९ चैत, झापा –  नेकपा (एमाले) कर्मचारी विशेष शाखा कमिटी दमकले पढ्ने संस्कृतिको विकास गर्न एमाले झापालाई एक सय तीन थान किताब शुक्रबार हस्तान्तरण गरेको छ ।

कमिटीले साम्यवाद, प्रविधि, साहित्य, रोचक प्रसङ्गलगायत किताब हस्तान्तरण गरेको हो । एमाले प्रदेश नं १ का सदस्य देवेन्द्र दाहालले ती पुस्तक जिल्ला कमिटीलाई हस्तान्तरण गर्नुभयो ।

कर्मचारी विशेष कमिटीका अध्यक्ष लीलबहादुर राईले ७५ थान, एमाले जिल्ला कमिटी सदस्य केन्द्र प्रसाईंले १४ थान, गिरिराज नेपालले नौ थान तथा रामचन्द्र मिश्र र अन्नत सेनेहाङले केही पुस्तक प्रदान गरेका हुन् । पार्टीले प्राप्त गरेको पुस्तक बिर्तामोडस्थित एमाले जिल्ला पार्टी कार्यालयमा रहेको पुस्तकालयमा राखिने जनाइएको छ ।