ट्रिपर दुर्घटना हुँदा एकको मृत्यु, दुई घाइते

१८ चैत, दोलखा – दोलखाको तामाकोशी गाउँपालिका–१ भिरकोट कालीदहमा बिहीबार बेलुका ट्रिपर दुर्घटना हुँदा एक जनाको ज्यान गएको छ । ज्यान जानेमा बैतेश्वर गाउँपालिका–१ गैरीमुदीका संजिव तामाङ रहेको जिल्ला प्रहरी कार्यालय दोलखाले जनाएको छ ।

दुर्घटनामा लु अ प ५४६ नम्बरको ट्रिपर रहेका र गैरीमुदीका प्रभुशरण मोक्तान र गैरीमुदीकै ट्रिपर चालक अविनाश तामाङ घाइते भएका छन् ।
चालक तामाङको चरिकोटमा उपचार हुन नसकेपछि बिहीबार राति नै उपचारको लागि काठमाडौं ल्याइएको छ । अर्का घाइते प्रभुशरण मोक्तानको सदरमुकाम चरिकोटस्थित च्छोरोल्पा जनरल अस्पतालमा उपचार भइरहेको ।