Friday 15th October 2021

    कञ्चनजङ्गा साकोसको छैटौं वाार्षिक साधारणसभा आजबाट सुरु    पोई पर्यो कालेबाट गोपाल ढकाल ‘छन्दे’ बने सर्वोत्कृष्ट हास्यअभिनेता    गायक शिव परियारको माया विक्ने भएछ गीत चर्चासँगै ट्रेण्डिङमा नं १. मा (भिडियो सहित)    जुम ब्युटि एकेडेमिको शाखा बनेपामा बिस्तार     नेपाल योग खेलकुद संघ काठमाडौं समितिको पुनर्गठन सम्पन्न

चुनावी  भाषण गर्दा पाँचजना शिक्षकको जागिर गयो, १३ जना कारवाहीमा

Friday, March 31, 2017 National Power

१८ चैत, गुल्मी – गुल्मीका सामुदायिक विद्यालयका ५ शिक्षकको चुनावी कार्यक्रममा भाषण गरेका कारण जागिर गएको छ।

जिल्लामा चुनावी कार्यक्रममा भाषण गरेका कारण १३ जना शिक्षकहरुलाई कारबाही गरिएको छ भने  ५ जना शिक्षकलाई जागिरबाटै निकाल्न परेको गुल्मीका जिशिअ मित्रमणि खनालले जानकारी दिए । शिक्षकहरुले जनताको करबाट तलब खाने चुनावी सभामा भाषण छाँट्दै विद्यार्थीहरुको पढाइमा बाधा पुर्‍याए विद्यार्थी संगठन र जनस्तरबाट समेत दबाब दिइनुपर्ने अनेरास्ववियु गुल्मीका संयोजक राजेन्द्रविक्रम कुँवरले बताए। यो विषयलाई जोडका साथ उठाउन सञ्चार माध्यमलाई आग्रह गर्दै आफ्नो संगठनको साथ रहने उनले बताए।

निर्वाचन आचारसंहिताको धज्जी उडाउँदै गुल्मीका केही शिक्षकहरु आ–आफ्नो राजनीतिक दलको चुनावी प्रचार अभियानमा पुगेर भाषण गरिरहेको सम्बन्धमा जिल्ला शिक्षा कार्यालयको ध्यानाकर्षण भएको जनाइएको छ। शिक्षकहरुलाई राजनीति गर्ने भए जागिर छोड्न निर्देशन दिएपछि राजनीतिक दलहरुबाट आफूलाई ठूलो दबाब आएको समेत जिशिअ खनालले दुखेसो गरे। सरकारी शिक्षकहरुले भाषण गरेको स–प्रमणसहित सम्बन्धित विषयविरुद्ध उजुरी परे कारबाही गरिने जिल्ला शिक्षा अधिकारी खनालले बताए।