उडान सेवामा खराब मौसमका कारण बाधा पुग्यो

१७ चैत्र, कास्की – आज खराब मौसमका कारण पोखराबाट हुने सबै उडान सेवामा बाधा पुगेको छ । विमानस्थल कार्यालयका प्रशासकीय अधिकृत काशीनाथ पौडेलले मौसममा आएको परिवर्तनसँगै भिजिविलिटी पर्याप्त नहुँदा पोखराबाट हुने सबै उडानमा बाधा पुगेको जानकारी दिए ।

पौडेलले पोखराबाट बुधबार बुद्ध एयरका छ वटा उडानमध्ये एक ,यति एयरका आठ वटामध्ये तीन वटा र सिम्रिक एयरका तीनमध्ये दुई वटा मात्र उडान भएको जानकारी दिए ।

बिहीबार पोखराबाट काठमाडौँका लागि हुनुपर्ने कुनै पनि उडान हुन नसक्नु, दृष्यावलोकनका लागि उड्ने गरेको अल्ट्रालाइट सेवा र सराङकोटबाट हुने प्याराग्लाइडिङ समेत लाई बाधा पुराउदा पर्यटकहरुलाई समेत  असर परेको छ ।

आज जोमसोमको लागि तय भएका सिम्रिक र तारा एयरका तीन/तीन उडान पनि हुन सकेन।