खराव मौसमका कारण हवाई उडान रद्द

१६ चैत, काठमाडौं –  खराव मौसमका कारण काठमाडौंबाट विभिन्न जिल्लाका लागि तय भएको १० भन्दा बढी हवाई उडान रद्द गरिएको सम्बन्धित एयरलायन्स कम्पनीहरुले जनाएको छ ।

खराब मौसमका कारण बुद्ध एयरले पोखराका लागि राखेको ४ वटा उडान, सिम्रिक एयरले पोखराकै लागि राखेको उडान र गोमा एयरको पोखरा, लुक्ला र फाप्लुका लागि राखेको उडान पनि रद्द भएका छन् । नेपाल एयरलायन्सले खोटाङको खानीडाँडा, यति एयरको पोखरा उडान पनि रद्द भएका छन् । मध्यान्हसम्मका धेरैजसो उडानहरु रद्द भएपनि १२ बजेपछि मौसममा सामान्य सुधार भएपछि त्यसपछिका उडान सुचारु भएको सम्बन्धित एयरलायन्स कम्पनीहरुले जनाएका छन् ।