Wednesday 10th August 2022

    हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै    Embassy of Pakistan organized a talk programme on “Kashmirs’ Youm-e-Istehsal”,

स्थानीय युवाहरूको कुटपिटद्धारा कांग्रेस नेताको हत्या

Wednesday, March 29, 2017 National Power

१६ चैत, जाजरकोट – नेपाली कांग्रेसका नेता रवीन्द्र शाहको हत्या भएको छ। जाजरकोट भेरीमालिका–३ निवासी रवीन्द्र शाहको स्थानीय युवाहरूको समूहले कुटपिट गरी हत्या गरेको जिल्ला प्रहरी कार्यालय, जाजरकोटले जनाएको छ।

पाँचतारा युवा संरक्षण मञ्चका अध्यक्ष तथा निर्माण व्यवसायी समेत रहेका कांग्रेस स्थानीय नेता शाहलाई साँझ करिब ७ बजे सदरमुकाम खलंगामा साथीसँग घुम्न निस्केको समयमा करिब १० जनाको समूहले ढुंगा र भाटाले हानेर ज्यान लिएको प्रत्यक्षदर्शीले जानकारी दिएका छन्।

जिल्ला अस्पताल नजिकै तल्लोथाप्लेमा तीन साथीहरु हिटलरसिंह राठौर, किरण थापा र भीमबहादुरसँग रहेका ३७ वर्षीय शाहमाथि आक्रमण भएपछि उनका साथीहरु भागेका थिए।घटनाको अनुसन्धान अघि बढेको जिल्ला प्रहरी कार्यालय, जाजरकोटले जनाएको छ।