अनेरास्ववियुको प्यानल विजयी आरआर क्याम्पसमा

१६ चैत्र, काठमाडौं – काठमाण्डौमा स्ववियु निर्वाचन एमाले भ्रातृसंगठन अनेरास्ववियु प्यानल   रत्न राज्यलक्ष्मी क्याम्पस (आरआर)को विजयी भएको छ । माओबादी केन्द्रको अखिल क्रान्तिकारी सहित विभिन्न विद्यार्थी संगठनको बिरोधकाबीच मंगलबार भएको निर्वाचनमा अनेरास्ववियुका तपेन्द्रबहादुर शाही ६ सय ९९ मत सहित निर्वाचित भएका हुन् उनका प्रतिद्धन्दी कांग्रेस निकट नेपाल विद्यार्थी संघका उत्तम साउदले ३ सय ६७ मत प्राप्त गरेका छन् । स्थापनाकालदेखी नै आरआर क्याम्पसमा जित्दै आएको अनेरास्ववियूका नारायण शर्मा सचिव र संगमप्रसाद देवकोटा कोषाध्यक्षमा निर्वाचित भएकाछन । सदस्यमा दिनेश बजगाई, सुजिता धिताल, जनक शाही, श्यामबहादुर विक, उर्वशी सिंह नेपाली, दीपक खतिवडा र मदन भण्डारी निर्वाचित भएको निर्वाचन समितिले जनाएको छ । निर्वाचनमा कुल १ हजार २ सय ७६ मत खसेको थियो ।