मुलुकको पूर्वी तथा मध्य भेगमा आज दिनभरी बर्षा हुने

१६ चैत्र, काठमाडौं  – काठमाडौं उपत्यका सहित मुलुकको पूर्वी तथा मध्य भेगमा आज दिनभरी बर्षा हुने मौसम पूर्वानुमान महाशाखाले जनाएको छ ।बंगालखाडीबाट आएको जलवास्पयुक्त वायुको प्रभावका कारण बर्षा हुने जनाएको हो। काठमाडौंको मौसममा केही दिन सुधार आएपनि गएरातीबाट पुनःबर्षा सुरु भएको हो । काठमाडौं उपत्यका सहित मध्य भेगमा भोली सम्म र पूर्वी भेगका केही स्थानमा आज साँझसम्म जारी रहने मौसम पूर्वानुमान महाशाखाको अनुमान छ भने वायुमण्डलको तल्लो भुभाग जमिनको सतह भन्दा केही माथी मात्रै रहेकाले पानी परेसँगै चिसो समेत बढेको बताइएको छ । जलवाष्प युक्त हावाको प्रभावका कारण मौसममा वदली सहित सामान्य वर्षा भएको महाशाखाको अनुमान छ । काठमाडौं उपत्यकामाथिको बादल हट्न भने केही दिन लाग्नेछ । काठमाडौं उपत्यकामा पछिल्लो २४ घण्टामा १ दशमलव ६ मिलिमिटर वर्षा भएको छ ।