श्रीमती र छोरालाई खुकुरी प्रहार गरी घाइते

१५ चैत, नुवाकोट – विदुर नगरपालिका– ६ चारघरे मान्द्रेढुङ्गाका यमलाल राईले श्रीमती र छोरालाई खुकुरी प्रहार गरी घाइते बनाएका छन्। अत्याधिक मादक पदार्थ सेवनगरी आज बिहान यमलालले श्रीमती राममाया र छोरा राजुलाई अन्धाधुन्द खुकुरी प्रहार गर्दा दुबै गम्भीर घाइते बनेका छन्।

खुकुरी प्रहारबाट ४४ वर्षका राममायाको टाउको र हातमा गहिरो चोट लाग्नुका साथै बाँया आँखा फुटेको छ । आमालाई खुकुरी प्रहार गर्न थालेपछि छुट्याउन गएका २१ वर्षका छोरा राजुको पनि टाउको र घाँटीमा चोट लागेको जिल्ला प्रहरी कार्यालयले जनाएको छ।यमलाललाई छिमेकीले नियन्त्रणमा लिएर प्रहरीलाई बुझाए भने घाइतेको नुवाकोट सिटी अस्पताल विदुरमा उपचार भइरहेको छ।