Monday 25th October 2021

    व्याक्तित्व बिकास सम्वन्धी क्लास लिदै 'मिस लिटिल नेवा' का प्रतिस्पर्धीहरु    रोजक र सुहानी बने 'मिस्टर एण्ड मिस टिन सुपर मोडल,२०२१'    कञ्चनजङ्गा साकोसको छैटौं वाार्षिक साधारणसभा आजबाट सुरु    पोई पर्यो कालेबाट गोपाल ढकाल ‘छन्दे’ बने सर्वोत्कृष्ट हास्यअभिनेता    गायक शिव परियारको माया विक्ने भएछ गीत चर्चासँगै ट्रेण्डिङमा नं १. मा (भिडियो सहित)

पुष्पकमल दाहाल र चिनियाँ राष्ट्रपति सी जिनपिङ्बीच आज भेटवार्ता हुँदै

Monday, March 27, 2017 National Power

१४ चैत्र , – चीन भ्रमणमा रहेका प्रधानमन्त्री पुष्पकमल दाहाल र चिनियाँ राष्ट्रपति सी जिनपिङ्बीच आज भेटवार्ता हुँदैछ । चीन उड्नु अघि सद्भाव भ्रमणमात्र नहुने बताएका प्रधानमन्त्री दाहाल र सीबीच केही महत्वपूर्ण बिषयमा सहमति हुने सम्भावना छ । नेपाली समयअनुसार दिउँसो पौने २ बजे हुने भेट करिब १५ मिनेटको हुने परराष्ट्र मन्त्रालयले जनाएको छ । नेपालले विगतका सहमति कार्यान्वयन, वन वेल्ड वन रोड, रेल्वे, ट्रान्समिसन लाईन, हाईड्रो लगायतमा दुई राष्ट्रप्रमुखबीच छलफल हुनेछ । अन्य राजनीतिक भेटमा चीनको वान बेल्ट, वान रोडमा नेपाल समेत सहभागी हुने प्रतिबद्धता प्रधानमन्त्री दाहालले व्यक्त गरेका, राष्ट्रपति सीसँगको भेटमा समेत सोही बिषयलाई प्राथमिकताका साथ उठाउने तयारी गरेको छ । गत शनिवार बोआओ सम्मेलनलाई सम्बोधन गरी बेईजिङ पुगेका दाहालले भुकम्पपछि बन्द रहेको तातोपानी नाका खुलाउने बारे समेत चिनियाँ अधिकारीलाई आग्रह गरेका थिए । राष्ट्रपति सी सँगको भेटपछि आजै चेन्दु प्रस्थान गर्ने कार्यक्रम छ । त्यहाँ समेत प्रधानमन्त्री दाहालले राजनीतिक भेटवार्ता गर्ने उहाँको निजी सचिवालयले जनाएको छ ।