श्रीमानको कुटपिटबाट श्रीमतीको हत्या

१३ चैत, खोटाङ – खोटाङ जिल्लामा श्रीमानले लाठी प्रहार गर्दा दिप्रुङ गाउँपालिकामा एक महिलाको मृत्यु भएको छ ।
सामान्य घरायसी बिवाद हुँदा दिप्रुङ–४ बतासेका ५७ वर्षीय कैलास राईको लाठी प्रहारबाट ४५ वर्षीया मैयाँ राईको मृत्यु भएको हो ।
बिहिबार कुटिएकी मैयाँको दोश्रो दिन मुत्यु भएको जिल्ला प्रहरी कार्यालय खोटाङले जनाएको छ ।कुटपिटबाट श्रीमतीको मृत्यु भएपछि कैलासलाई प्रहरीले शुक्रबार नै पक्राउ गरेको छ भने श्रीमतीलाई लाठीले टाउको लगायत शरीरका ठाउँमा कुटपिट गरेको प्रहरीले जनाएको छ ।कैलास बिरुद्ध कर्तव्य ज्यान मुद्धा चलाइएको जिल्ला प्रहरी कार्यालयले जनाइएको छ ।