स्थानीय तहको चुनावका लागि जनशक्ति उत्पादन गर्न मतदाता शिक्षा प्रशिक्षण सुरु

१३ चैत, धनगढी –धनगढीमा स्थानीय तहको चुनावका लागि चाहिने जनशक्ति उत्पादन गर्न  आजदेखी मतदाता शिक्षा प्रशिक्षण सुरु भएको छ ।

स्थानीय तहको निर्वाचन नजिकीदै गर्दा क्षेत्रीय स्तरको दुई दिने मतदाता शिक्षा प्रशिक्षण धनगढीमा सुरु भएको हो । प्रशिक्षणमा प्रदेश नं ७ को कञ्चनपुर जिल्ला बाहेक अरु ८ ओटा जिल्लाको सहभागीता रहेको छ ।
कञ्चनपुर जिल्लाको नेपालगञ्मा प्रशिक्षण परेकाले सहभागी नभएको हो । प्रशिक्षणमा प्रत्येक जिल्लाका ४-४ जना गरी ३२ जनाको सहभागीता रहेको छ । मतदाता शिक्षा प्रशिक्षणमा निर्वाचन आयोगका उप–सचिव विशकशेन ढकाल र क्षेत्रीय निर्वाचन कार्यालय धनगढीका प्रमुख मोहन प्रसाद अर्यालले प्रशिक्षण दिईरहेका छन । धेरै जनतालाई अझै पनी स्थानीय तह, स्थानीय सरकार, स्थानीय कानुनको बारेमा जानकारी नहुदा अन्यौलमा छन । यसै विषयमा सबै जनतालाई जानकारी दिन जनचेताना फैलाउन आवश्यक छ । प्रशिक्षणमा आएका सहभागीलाई स्थानीय तह के हो रु स्थानीय सरकार यसको अवाधारण, मतदान प्रक्रिया लगाएत विषयमा प्रशिक्षण दिई रहेको निर्वाचन कार्यालयका उप सचिव विशकशेन ढकालले बताए ।