प्रेस चौतारी नेपालले अनलाइन निर्देशिका फिर्ता लिन आग्रह

११ चैत, काठमाडौँ – सरकारले जारी गरेको ‘अनलाइन सञ्चारमाध्यम सञ्चालन निर्देशिका–२०७३’ ले स्वतन्त्र प्रेस नियन्त्रित हुने भन्दै प्रेस चौतारी नेपालले सरकारलाई फिर्ता लिन आग्रह गरेको छ ।

चौतारीले अनलाइन सञ्चारमाध्यमको दर्ता, नवीकरण र सञ्चालनलाई व्यवस्थित गर्न ल्याइएको निर्देशिकाका कतिपय प्रावधान प्रेस तथा अभिव्यक्ति स्वतन्त्रता र स्वतन्त्र पत्रकारिताको मान्यतासँगमेल नखाने जनाएको छ ।
आमसञ्चार नीति–२०७३’ मा अनलाइन सञ्चारमाध्यम व्यवस्थापन र अनुगमनबारे उल्लेख भए पनि सो निर्देशिका ल्याउनु आफैंमा विरोध भएको सङ्गठनको दाबी छ ।

सरोकार भएका संस्थासँग परामर्श नगरी सुशासन व्यवस्था तथा सञ्चालन ऐन, २०६४ को दफा ४५ ले दिएको अधिकार प्रयोग गरी निर्देशिका ल्याएकाले अविलम्ब फिर्ता लिन माग गरिएको चौतारीका महासचिव राजेश राईद्वारा जारी विज्ञप्तिमा उल्लेख छ ।