Wednesday 10th August 2022

    हेरिटेज ग्रुपको अधिराज्यव्यापी अधिकृत बिक्रेता कार्यगोष्ठी सम्पन्न    दोश्रो र तेश्रो संस्करणको जिनियस म्युजिक अवार्ड २०७८ सफलतापुर्वक सम्पन्न    संगीतकार योगेन्द्र उपाध्यायका तिनवटा गीति एल्बम एकसाथ बिमोचन    राष्ट्रिय युवा परिषद्ले भोलि प्रशिक्षण मुलक कार्यक्रम गर्दै    Embassy of Pakistan organized a talk programme on “Kashmirs’ Youm-e-Istehsal”,

मापदण्ड विपरीत सुर्तीजन्य पदार्थ नष्ट

Friday, March 24, 2017 National Power

११ चैत, काठमाडौं– बजारमा बिक्री वितरण भइरहेका मापदण्डविपरीत सुर्तीजन्य पदार्थ सरकारले नष्ट गरेको छ । जिल्ला प्रशासन कार्यालयको टोलीले अनुगमनका क्रममा अनियमित रूपमा सुर्तीजन्य पदार्थको बिक्री वितरण गरेको पाइएपछिबिहीबार चार बोरा सुर्तीजन्य पदार्थ नष्ट गरेको जनाइएको छ । सुर्तीजन्य पदार्थ नियन्त्रण नियमावली २०६८ र नियमन ऐन २०७१ अनुसार मापदण्ड विपरीत भेटिएका सुर्तीजन्य पदार्थ नष्ट गरेको काठमाडौं सहायक प्रमुख जिल्ला अधिकारी प्रेमप्रसाद लुइँटेलले जानकारी दिए ।

‘सरकारले सुर्तीजन्य पदार्थको बिक्री वितरण सम्बन्धी मापदण्ड बनाएको छ । १ चैतबाट देशभरिका किराना पसलबाट सुर्तीजन्य पदार्थको बिक्री वितरणमा रोक लगाउने उद्देश्यसहित स्वास्थ्य मन्त्रालयले सुर्तीजन्य पदार्थको नियमन तथा नियन्त्रणसम्बन्धी ऐन बनाएको छ । यस्तो अवस्थामा अनियमित रूपमा बिक्री वितरण गर्न पाइँदैैन,’ उनले भने । लुइँटेलले पसलमा १८ वर्षमुनिका बालबालिकाले बेचेको, छुट्टै ठाउँको व्यवस्था नगरी किराना पसलहरूमा बेचेको, इजाजत नलिएको, मापदण्ड अनुसारको बोर्ड नराखी बेचेको फेला पारेपछि नियन्त्रणमा लिई नष्ट गरेको बताए ।