नयाँ शक्तिको राष्ट्रिय अभियान’ आजदेखि

९ चैत काठमाडौं – आज (बुधबार) देखि नयाँ शक्ति पार्टी नेपालको ‘हिमाल–पहाड–तराई–मधेस राष्ट्रिय अभियान’ सुरु हुदैछ । हिमाल, पहाड र तराई-मधेशलाई भावनात्मक रूपमा जोड्न र असन्तुष्ट पक्षहरूलाई सहमतिमा ल्याई संविधान संशोधन मार्फत तोकिएको मितिमा निर्वाचन सम्पन्न गर्ने गरी निर्वाचनको वातावरण बनाउन दबाब दिने उद्देश्यले अभियान सञ्चालन गर्न लागिएको पार्टीले जनाएको छ ।

चैत ९–१३ सम्म देशव्यापी रूपमाअभियानअन्तर्गत सभाहरू हुने आज दिउँसो १२ बजे लहानमा सभा हुने र चैत १० गते दिउँसो १२ बजे बर्दिबासमा तथा दिउँसो ४ बजे चन्द्रनिगाहापुरमा सभा हुने बताइएको छ । चैत ११ गते दिउँसो १२ बजे भैरहवामा र चैत १२ गते दिउँसो १२ बजे कोहलपुरमा सभा हुनेछ । चैत १३ गते दिउँसो १२ बजे धनगढीमा सभा भएपछि यस चरणको कार्यक्रम सम्पन्न हुने पार्टीले जनाएको छ ।