अब दश वस्तुगत प्रश्न मिलाए सवारी अनुमतिपत्र (लाइसेन्स) लिन पाउने

६ चैत, काठमाडौं –  यातायात व्यवस्था विभागले लिखितमा धेरै मानिस अनुत्तीर्ण भएको जनगुनासो बढेपछि सवारीसाधन अनुमतिपत्र (लाइसेन्स) लिनका लागि अब लिखित परीक्षामा १० वस्तुगत प्रश्न मिलाए पुग्ने भएको छ ।

लिखित परीक्षामा धेरै परीक्षार्थी उत्तीर्ण गराउन कुल २० वस्तुगतमध्ये १० प्रश्न मिलाउने व्यक्तिलाई सवारीसाधन अनुमतिपत्रको परीक्षण दिने व्यवस्था शुक्रबारदेखि गरेको हो। यस्तो किसिमको परिक्षाबाट परिक्षार्थीहरु शहजै रुपमा उर्तिण हुने विभागले विश्वास गरेको छ ।

सबै नागरिकलाई सहज रुपमा सवारीसाधन अनुमतिपत्र लिन पाउन भन्ने उद्देश्यले नयाँ प्रक्रिया लागू गरिएको र यसबाट लिखित परीक्षा दिँदा धेरै भिडभाड हुने, बिचौलियाको चलखेल हुनेलगायतका कुरा घट्ने जनाएका छन् ।

विभागका डा पाण्डेले भन्नु भयो लिखित परीक्षा दिएर अनुमतिपत्र लिएका चालकलाई फेरि अनुमतिपत्र लिँदा परीक्षा दिनु नपर्ने र यसअघि सवारीसाधन अनुमतिपत्र लिँदा सय पूर्णाङ्कमध्ये १९ लब्धाङ्कको विषयगत र ८१ लब्धाङ्कको वस्तुगत प्रश्नको उत्तर दिनुपर्ने हुन्थ्यो । त्यसमा ४० प्रतिशत विद्यार्थी अनुत्तीर्ण हुने गरेका थिए। अब का परिक्षार्थीहरु धेरैमा धेरै पास हुने व्यवस्था गरेको बताए।