Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

मोरङको टंकिसिनवारीस्थित उद्योगमा आग लागि क्षतिको विवरण संकलन भइरहेको

Friday, March 17, 2017 National Power

४ चैत्र, मोरङ – आज बिहान ४ बजेदेखि मोरङको टंकिसिनवारीस्थित जयश्री पियुटेक उद्योगमा आगो लागेकोअझै नियन्त्रणमा आउन सकेको छैन । झापा, विराटनगर, सुनसरी, इटहरी, इनरुवा, सप्तरी, र धरानलगायत नगरपालिकाका दमकल प्रयोग गरी आगो निभाउने प्रयास भइरहेको प्रहरीले जनाएको छ ।

प्रहरीका अनुसार आगो नियन्त्रणमा आउन कठिन भएकाले आगो फैलिएर थप क्षति नहोस् भनेर उद्योग आसपासका क्षेत्राका बासिन्दा र अन्य उद्योगमा सतर्कता अपनाउन थालिएको छ । उद्योग परिसरमा रहेको बिजुलीको ट्रान्सफर्मर विष्फोट भएकाले त्यही कारण आगलागी सुरु भएको अनुमान गरिएको छ ।

बिहानैदेखि आगो निभाउन प्रहरी, स्थानीय बासिन्दा लगायत सक्रिय रहेका छन् । झापा, मोरङ, सुनसरी र सप्तरी गरी चार जिल्लाका १० वटा दमकल प्रयोग भइरहेको प्रहरीले जनाएको छ । आगोले उद्योगका कच्चा पदार्थ र तयारी सामान जलेको छ । क्षतिको विवरण संकलन भइरहेको मोरङका प्रहरी उपरीक्षक सन्दिप भण्डारीले बताएका छन् ।