आगलागीमा ८ वर्षीय बालक घाइते

३ चैत , सिरहा – आगलागीमा परि सिरहाको मिर्चैया नगरपालिका १० का एक ८ वर्षीय बालक घाइते भएका छन् ।आगलागीमा भुटाईको फुसले छाएको घर, लत्ताकपडासहित करिबडेढलाख रुपैयाँ बराबरको सामान जलेर नस्ट भएको छ ।

मिर्चैया नगरपालिका १० का भुटाई सदाय मुसहरको घरमा बुधबार राति आगलागी हुँदा उनका ८ वर्षीय नाति निरजकुमार सदाय मुसहर जलेर घाइते भएका छन् । घाइते बालकलाई मिर्चैयास्थित मेडिकेयर सेन्टरमा उपचार गराई रहेको प्रहरीले जनाएको छ । स्थानीयवासी र प्रहरीको सहायतमाआगो नियन्त्रणमा आएको थियो ।