Wednesday 30th November 2022

    ‘गोर्खा वारियर’को फस्ट लुक्स, सन १९४९ को युद्ध कथा    एमसीसी अन्तर्गत बन्ने ३०० किलोमिटर प्रसारणलाइनको ठेक्का आह्वान    इनास अमेरिकाद्वारा स्रष्टा सम्मान सहितको सांस्कृतिक कार्यक्रम भव्यरुपमा सम्पन्न    अमेरिकी दूतावासले हिउँ चितुवाका फेक तस्बिरु हटाउने    इनास अमेरिकाले सात जनालाई सम्मान गर्दै

पुर्व साहायकमन्त्री रामहरि ढुङ्गेलको निधन

Thursday, March 16, 2017 National Power

३ चैत, काठमाडौं – नेपाली कांग्रेसका सांसद रामहरि ढुङ्गेलको निधन भएको छ । नेपाली कांग्रेसका सांसद रामहरि ढुङ्गेल महासमिति सदस्य एवम् पूर्व सांसद काठमाडौंको डिल्लीबजारस्थित आफ्नै निवासमा सुतिरहेको अवस्थामा मृत भेटिएका थिए ।

पूर्व सांसद ढुङ्गेल बस्दै आएको कोठामा बिहीबार बिहान मृत अवस्थामा भेटिएको कांग्रेस केन्द्रीय सदस्य प्रदीप पौडेलले जानकारी दिए । बिहान अबेरसम्म ढोका नखुलेपछि उनका भतिजाले चुक्कुल फोडेर कोठाको ढोका खोलेका थिए ।

उनको शव परीक्षणका लागि त्रिवि शिक्षण अस्पताल लैजाने कांग्रेसले जनाएको छ । पूर्व कृषि सहायकमन्त्री समेत रहेका ढुङ्गेल अविवाहित थिए भने डिल्लीबजारस्थित एक कोठाको भाडामा सादगी जीवन जिउँदै आएका  २०५६ को आमनिर्वाचनमा रामेछाम क्षेत्र नं २ बाट निर्वाचित भएका थिए।