बझाङमा भालुको आक्रमणबाट एक जनाको मृत्यु

२ चैत, बझाङ– भालुको आक्रमणबाट बझाङको काँडा–३ का अखे धामीको ज्यान गएको छ । मंगलबार बेलुका भेडा चराउन गाउँ नजिकैको जंगलमा गएका बेला ३५ वर्षका धामीलाई भालुले आक्रमण गरेको थियो ।

धामीको घटनास्थलमै ज्यान गएको छिमेकी माघि बोहराले बताउनुभयो । भेडालाई आक्रमण गर्न आएको भालुबाट भेडा जोगाउने क्रममा धामीलाई भालुले आक्रमण गरेको हो । भालुको आक्रमणबाट ज्यान गुमाएका धामीका तीन छोराछोरी छन् ।