Wednesday 25th January 2023

    हेटौँडाकी सुस्मिताले न्याय पायकोमा मन्जुश्री असहाय संरक्षण केन्द्र द्वारा दिप प्रज्वलन    दशौं म्यूजिक खबर म्यूजिक अवार्डको उत्कृष्ट पाँचको मनोनयन सार्वजनिक    दोस्रो ओटु हिमालय नेपाल ब्युटिसियन एण्ड फेसन अवार्ड सम्पन्न    लक्ष्मीदास र उहाँको पुस्ताबाट अनेकौ शिक्षा लिन सकिन्छ:पूर्व प्रधानमन्त्री नेपाल    गीत सङ्गीतको क्षेत्रमा विशिष्ट योगदान पुर्याइरहेका स्रष्टा तथा सर्जकहरुलाई ‘नातिकाजी राष्ट्रिय सम्मान तथा पुरस्कार प्रदान

माध्यमिक शिक्षा परीक्षा एसइइमा झण्डै ११ हजार परीक्षार्थीहरु सहभागी हुने

Wednesday, March 15, 2017 National Power

२ फागुन,सिरहा –  सिरहा जिल्लाबाट झण्डै ११ हजार परीक्षार्थीहरु चैत ३ गतेदेखि देशभर एकैपटक शुरु हुने माध्यमिक शिक्षा परीक्षा एसइइमा सहभागी हुने भएका छन् । शिक्षा कार्यालय सिरहाका रामअशिष यादवले परीक्षाका लागि उत्तरपुस्तिका, प्रश्नपत्र र आवश्यक कागजातहरु ३८ वटै परीक्षा केन्द्रमा पठाई सकिएको जानकारी दिए । यो वर्ष सिरहाबाट कुल १० हजार ९ सय ७१ परीक्षार्थी सहभागी हुने यादवले बताए ।
परीक्षामा जिल्लाका एकसय २८ सामुदायीक र ५४ संस्थागत विद्यालयका गरी नियमिततर्फ ९ हजार २७, एक्जाम्टेड तर्फ ६ सय ८ र आंशिकतर्फ एकहजार तीन सय ३६ गरी १० हजार नौ सय ७१ जना सामेल हुँदैछन् । सामुदायिक विद्यालयतर्फ सबैभन्दा बढी लहानस्थित पशुपति आदर्श मा.वि.बाट एक सय ४५ छात्रासहित दुई सय ७८, एक्जाम्टेड २५ र आंशिक ६६ गरी तीन सय ६९ जना विद्यार्थीहरु परीक्षा दिंदैछन् ।

सिरहामा परीक्षाका लागि यो वर्ष ३८ वटा परीक्षा केन्द्र निर्धारण गरिएको छ । जिल्लामा तोकिएका परीक्षा केन्दमध्ये संस्थागत र माध्यमिक तहको प्रधानाध्यापक नभएका १५ वटा परीक्षा केन्द्रमा शिक्षकहरुको पेशागत संगठनको दवावमा राजनीतिक भागबण्डा मिलाएर केन्द्राध्यक्ष नियुक्त गरिएको बताइएकोछ । गतवर्ष सिरहाबाट एसएलसी परीक्षामा १३ हजार दुईसय ३४ जना विद्यार्थी सहभागी थिए ।