मन्त्री र सांसदका ठेकेदारबाट काम लिन गाह्रो

२ चैत,काठमाडौं – मन्त्री र सांसदका ठेकेदारबाट काम लिन गाह्रो भएको मेलम्ची खानेपानी विकास समिति बोर्डका अध्यक्ष तथा  खानेपानी तथा सरसफाइ मन्त्रालयका सचिव भीम उपाध्यायले बताएका छन् ।

मंगलबार आयोजित छलफल कार्यक्रममा उपाध्यायले भने वातावरण संरक्षण समितिले मेलम्ची खानेपानी आयोजना निर्माण कार्यले वातावरण प्रदूषण भएको र निर्माण कार्य छिटोे सक्न निर्देशन दिएपछि उपाध्यायले समितिमै यस्तो प्रतिक्रिया दिएका हुन् । ‘मन्त्री र सांसदका ठेकेदार  सरकारभन्दा पनि शक्तिशाली छन ।

उनका अनुसारदबावको अवस्थामा पनि छवटै ठेकेदारलाई सक्रिय बनाउन सफल भएको जवाफ दिए ।‘ ठेकेदारलाई कारबाही गरेर ठेक्का रद्द गर्न पनि सकिन्छ । तर निर्माण कार्य लगभग सम्पन्न हुन लागेको बेलामा उनीहरूलाई फकाउनुको विकल्प छैन

उनले आयोजनाका कारणले मात्र प्रदूषण नबढेको दाबी पनि गरे । ‘हामीले ५०–६० किलोमिटर सडकमा त्यो पनि तीन चौडाइ खनेका छौं । के यतिले मात्र उपत्यकामा धुलो उडेको नभई  अत्यधिक सवारी साधन गुड्ने भएकाले धुलो र धुवाँको प्रदूषण बढेको जिकिर गरे । उपाध्यायले वार्षिक दुई लाख गाडी थपिने सहरलाई प्रदूषणमुक्त बनाउने काम चुनौतीपूर्ण रहेको बताए ।

मेलम्ची खानेपानी आयोजनाका कार्यकारी निर्देशक तिरेश खत्रीले मेलम्चीको ४।४ किलोमिटर सुरुङ निर्माण कार्य बाँकी भएको जानकारी दिए । ‘जेठ महिनाभित्र ९५ प्रतिशतभन्दा बढी पाइप लाइनको काम सकिन्छ । धुलो नउडोस् भनेर अस्थायी रुपले हल्का कालोपत्रे गरिरहेका छौं । सडकलाई पहिलेकै अवस्थामा लैजान खनेदेखि एक महिनासम्म लाग्न सक्छ’, उनले भने ।
सांसद गणेशप्रसाद बिमलीले धुलो र धुवाँले सर्वसाधारणलाई सताइरहेकाले रोक्ने उपाय गर्न सुझाए । ‘यो काठमाडौंमा साना मान्छे कोही पनि छैनन् । देउता पनि ठूला, नेता पनि ठूला, व्यापारी पनि ठूला तर मर्ने कारण भने धुवाँ र धुलो कस्तो विडम्बना उनले भने ।

समितीले मेलम्ची खानेपानी आयोजनाले काठमाडौं उपत्यकामा सडक भत्काई पाइप बिच्छ्याउँदा निस्किएको धुलाले मानव स्वास्थ्यमा गम्भीर असर पारेको उल्लेख गर्दै तत्काल पानी र अलकत्राको झोल छर्कन निर्देशन दिएको छ ।

समितिले आयोजनालाई चाँडोभन्दा चाँडो कालोपत्रे गरी स्थायी समाधान र प्रभावकारी अनुगमन गर्न निर्देशन दिएको छ ।