Sunday 1st August 2021

    निर्मलालाई एक नारीको खुला पत्र : ‘नारी समाज फुटाउनेले समाज कसरी जोड्न सक्छ ?    विश्वभर फैलियो डेल्टा भेरियन्ट    ओलम्पिकको एकै संस्करणमा जापानले जित्यो अहिलेसम्मकै धेरै स्वर्ण    खिर खाएर साउन १५ मनाइँदै    बागमती प्रदेशका कोरोनाबाट हालसम्म ४ हजार बढीको मृत्यु

एक पटक फेरी ब्याटिङ्गले डुबायाे

Saturday, March 11, 2017 National Power

विश्व क्रिकेट लिग च्याम्पियनसिपमा नेपाल केन्यासँग  पराजित भएको छ । वर्षाले प्रभावित खेलमा केन्याले डीएल मेथडका आधारमा ९४ रनको लक्ष्य पाएको थियो, जसलाई उसले २४ औं ओभरमा ५ विकेट गुमाएर भेट्टायो ।

वर्षाका कारण ३८ ओभरमा छोट्याइएको खेलमा नेपालले ३६ ओभरमा ८ विकेट गुमाएर ११२ रन बनाउँदा पानीले रोकियो ।

डीएल मेथडका आधारमा केन्याले २९ ओभरमा १०४ रनको लक्ष्य पायो ।

वर्षाका कारण ३८ ओभरमा छोट्याइएको खेलमा नेपालले ३६ ओभरमा ८ विकेट गुमाएर ११२ रन बनाउँदा पानीले रोकियो ।

डीएल मेथडका आधारमा केन्याले २९ ओभरमा १०४ रनको लक्ष्य पायो । तर, उसले २१.२ ओभरमा ५ विकेटको क्षतिमा ८० रन बनाउँदा फेरि पानीले खेल रोकियो ।

त्यही अवस्थामा डीएल मेथडका आधारमा केन्या केही रनले जितिसकेको थियो । तर, नेपालले खेल जारी राख्न चाहेपछि केन्याले नयाँ लक्ष्य पायो, २६ ओभरमा ९४ रनको लक्ष्य ।

जसलाई उसले ११ बल बाँकी छादा ५ विकेट गुमाएर भेट्टायो । २५ औं ओभरको पहिलो बलमा कप्तान रकिप पटेलले छक्का हान्दै केन्यालाई जित दिलाए ।

ब्याटिङ्गमा कमजाेरी कायमै, टस हार्नुपनि दुर्भाग्य 

नेपाली टोलीका कप्तान ज्ञानेन्द्र मल्ल र प्रशिक्षक जगत टमाटाले विश्व क्रिकेट लिग च्याम्पियनसिपमा केन्यासँग व्यहोरेको ५ विकेटको हारको तीन कारण औंल्याएका छन् ।

शनिबार कीर्तिपुर मैदानमा भएको खेलमा नेपाल ५ विकेटले पराजित भएको थियो । खेलपछि कुरा गर्दै प्रशिक्षक र कप्तानले कमजोरी स्वीकार गरे । उनीहरुले साझा रुपैमा तीन कारण औल्याए, वर्षा, टस हार्नु र ब्याटिङमा साझेदारी नहुनु ।

प्रशिक्षक टमाटाका अनुसार नेपालले यदि १६० रन बनाएको भए सहज जित हुने थियो । यो नै टोलीका लक्ष्य थियो । तर, मौसमले साथ दिएन । वर्षाका कारण समयमै खेल सुरु हुन सकेन । पटक पटक खेल पनि अवरुद्ध हुन पुग्यो ।

दोस्रो कारण, टस हार्नु रहृयो । नेपालले टस हार्‍यो र ब्याटिङको निम्तो पायो । यदि टस जितेको भए नेपालले बलिङ गर्ने थियो ।

तेस्रो, कारण ब्याटिङ नचल्नु । नेपालको सबैभन्दा ठूलो स्कोर ज्ञानेन्द्र मल्लको २७ रन रहृयो । डेब्यू गरेका सुनिल धमलाले पनि ओपनिङमा राम्रो गर्न सकेनन् । प्रशिक्षक टमाटाका अनुसार उनले आफूलाई कण्डिसन अनुसार ढाल्न सकेनन् ।

अन्य ब्याट्सम्यानबीच पनि ठूलो साझेदारी हुन सकेन । कम्तिमा २ वटा विकेटका लागि साझेदारी भएको भए नेपालको स्कोर उकासिने थियो ।

डेब्यू गरेका दिपेन्द्र सिंह ऐरीले राम्रो प्रदर्शन गरेको भन्दै कप्तान र कोच दुबैले तारिफ नै गरे ।
अब नेपालले सोमबारको खेलमा जितको लक्ष्य बनाएको प्रशिक्षक टमाटाले बताए ।