राजनीतिज्ञहरुलाई नीतिगत बाटोमा डोर्‍याउन सचिवहरुलाई निर्देशन

२३ फागुन, काठमाडौं – राजनीतिज्ञहरुलाई नीतिगत बाटोमा डोर्‍याउन सचिवहरुलाई निर्देशन अर्थमन्त्री कृष्णबहादुर महराले दिएका छन् । बजेट सम्बन्धी समिक्षा गोष्ठीमा सोमबार मन्त्री महराले विद्यमान नीति नियमका आधारमा विना प्रभाव काम गर्न निर्दशन दिए ।
बजेट तर्जुमाका समयमा मन्त्रालयका सचिवहरु, मन्त्री तथा राजनीतिक दलको प्रभावमा पर्ने गरेको तर्फ इंगित गर्दे उनले डिमाण्डबाट प्रभावित भई बजेट छर्ने काम नगर्न पनि सचिवहरुलाई सचेत गराए र मनोगत नभई बस्तुगत रुपमा बजेट विनियोजन गर्नुपर्नेमा पनि उनले जोड दिएका छन् । मन्त्री र राजनीतिक दलको प्रभावमा आवश्यकता र उपलब्धिमुलक भन्दा अन्यत्र क्षेत्रमा बजेट विनियोजन गरिएको भन्दै हरेक बर्ष बजेटको आलोचना हुने गर्दछ ।