Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

अभ्यासका लागि भारत जाने खेलाडीहरू छनाैट

Wednesday, February 22, 2017 National Power

काठमाडौं  – विश्व क्रिकेट लिग च्याम्पियनशिप अन्तर्गत केन्या विरुद्धको खेलको लागि नेपाली क्रिकेट टोलीको घोषणा गरिएको छ । आगामी फागुनमा हुने पाचौं चरण अन्तर्गत केन्यासँगको खेलको लागि नेपालले मंगलबार पारस खड्काको कप्तानीमा १९ सदस्सीय नेपाली टोलीको घोषणा गरेको हो ।

अन्तर्राष्ट्रिय क्रिकेट परिषद आईसीसीका प्रतिनिधि ब्याङकेटपती राजु, राष्ट्रिय टोलीका मुख्य प्रशिक्षक जगत टमाटा र कप्तान पारस खड्कासहितको छनोट समितिले नेपाली टोलि छनोट गरेको हो । नेपाल र केन्याबीचको खेल आगामी फागुन २८ र ३० (मार्च ११ र १३ ) गते त्रिभुवन विश्वविद्यालय (टियु) क्रिकेट मैदानमा हुने छ । केन्यापछि नेपालले छैटांै चरणमा हङकङसँग खेल्नेछ भने सातौं चरणमा युएईसँग खेल्नेछ ।

केन्यासँगको खेलअघि नेपाली टोली अन्तिम तयारी गर्न भारतको नोयडा जानेछन् । छनोटमा परेका नेपाली टोलि यही शुक्रबार नोयडा जानेछन् । त्यहाँ नेपालले तीन अभ्यास खेल खेल्ने छन्  । नेपाली टोली मार्च ३ मा स्वदेश फर्कने छन्  । भारत जाने नेपाली टोलीमा कप्तान पारस भने सहभागी हुने छैनन्  । पारस हालै मात्र एपेन्डिक्सको सल्यकृयापछि आराम गरिरहेका छन् ।

लिगमा चौथो चरणको खेल सकिदासम्म नेपाल ६ अंक सहित अंक तालिकाको छैटौं स्थानमा छ । नेपालले ८ खेलमा ३ मा जित र ५ खेल बेहोरेको छ । केन्या ८ अंक जोडेर लिगको पाँचौ स्थानमा छ । च्याम्पियनसिपको शीर्ष स्थानमा नेदरल्यान्ड, दोस्रोमा पपुवान्युगिनी, तेस्रोमा हंङकङ, चौथोमा स्कटल्यान्ड र पाँचौमा केन्या छन् । नेपालभन्दा पछि नामिबिया र यूएई छन् ।

छनोटमा परेका खेलाडीहरू
पारस खड्का (कप्तान)
ज्ञानेन्द्र मल्ल (उपकप्तान)
सागर पुन
सन्दिप लामिछाने
भुवन कार्की
शरद भेषावकर
आरिफ शेख
दिलिप नाथ
करण केसी
आशिफ शेख
बसन्त रेग्मी
शक्ति गौचन
अभिनाश कर्ण
सोमपाल कामी
सुनिल धमला
दिपेन्द्र सिंह ऐरी
राजेश पुलामी मगर
बिनोद भण्डारी
महेबुब आलम