Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

कम्युनिष्ट नेताकाे राजावादी अभियान

Friday, February 10, 2017 National Power

काठमाडौं । नेपाली कम्युनिष्ट आन्दोलनको केन्द्र मानिन्छ, झापा । २०२८ सालमा यहीँबाट भएको विद्रोहलाई ‘झापा विद्रोह’का नामले    चिनिन्छ । झापाको यही विद्रोहको अगुवाई गर्दै ‘शस्त्र’ उठाउने पहिलो व्यक्ति थिए– कमरेड मोहनचन्द्र अधिकारी । २०१३ सालमा कम्युनिष्ट पार्टीको सदस्यता लिएका अधिकारीको अगुवाईमा २०२८ सालमा चलेको ‘शत्रु सफाया’ आन्दोलनले कैयनको सफाइ नै गरेको थियो ।

कम्युनिष्ट आन्दोलनमा लागेको र व्यक्तिहत्या गरेको आरोपमा अधिकारीले १६ वर्ष ९ महिना जेल मै गुजार्नु परेको थियो । यति लामो समयसम्म कम्युनिष्ट विचार र दर्शन बोकेर जेल जीवन बिताएकाले उनलाई नेपाली नेल्सन मन्डेला समेत भनिन्छ । तर, जीवनभर निडरतापूर्वक कम्युनिष्ट विचार र दर्शनको परख गरेका अधिकारी राजनीति सम्भावनाको खेल हो भन्ने भनाइलाई चरितार्थ गर्दै विस्तारै कम्युनिष्ट विचार र दर्शनप्रतिबाट पछि हट्दै जान थालेका छन् । पछिल्लो समय उनको हिमचिम कम्युनिष्ट पार्टीसंग भन्दा कम्युनिष्ट इतरका शक्ति राजावादीसंग हुन थालेको     छ ।

स्रोतका अनुसार, अधिकारी यतिबेला राजतन्त्र र हिन्दू राज्यको वकालत गर्दै आएका शक्तिहरूसंग मिलेर अघि बढ्ने सोचमा पुगेका छन् । हिन्दू राष्ट्रको अभियानमा केही अघिदेखि खुलेका अधिकारीले यही सोच अनुरुप संवाद नै अघि बढाइसकेको बताइन्छ । प्राप्त समाचार अनुसार, राजतन्त्र र हिन्दू राज्यको एजेण्डा कमल थापाले त्यागेपछि यसलाई बोक्दै आइरहेको केशरबहादुर विष्ट समूहसंग उनको फाइनल कुराकानी नै भइसकेको छ । स्रोतका अनुसार, अधिकारी केशरबहादुर विष्टले सञ्चालन गर्दै आइरहेको राष्ट्रवादी अभियानमा लाग्ने पक्कापक्की भएको छ र त्यसका लागि २०७३ माघ २७ गते हिरा पार्टी प्यालेस, बानेश्वरमा एक कार्यक्रम नै तय भएको छ । ‘झापा आन्दोलनका नायक मोहनचन्द्र अधिकारी केशरबहादुर विष्टले राजतन्त्र र हिन्दू राष्ट्रको वकालत गर्दै सञ्चालन गर्दै आइरहेको राष्ट्रवादी अभियानमा जोडिने भएका छन्,’ स्रोतले भन्यो । स्रोतका अनुसार, अधिकारीसंगै कांग्रेसका कर्नरमा परेका नेताहरू पनि केशरबहादुरको अभियानमा जोडिन लागेका    छन् । प्रकाश कोइरालालगायतका नेता विष्टको अभियानमा जोडिन लागेको बताइन्छ ।