Monday 4th March 2024

    आमा कुजाईन रेस्टुरेन्टले क्यानडामा पायो क्यल्गरी बेष्ट न्यू रेष्टुरेष्ट २०२४ एभिन्यु क्यालगरी अवार्ड    लव प्याकुरेलको अध्यक्षतामा आइएनएनएफमा नयाँ कार्यसमितिको गठन    चिया कफी देउ सार्वजनिक (भिडियो सहित)    ‘सुगुप’को पुनः प्रदर्शन    नाममा आपत्ति जनाउँदै सेन्सर बोर्डले रोक्यो फिल्म ‘रंगेली’

नगरपालिकाकाेे मापदण्ड लचक बनाउने

Wednesday, February 8, 2017 National Power

२६ माघ, काठमाडौं – संघीय मामला तथा स्थानीय विकास मन्त्रालयले नगरपालिका घोषणाका लागि मापदण्डमा केही परिमार्जनको प्रस्ताव ल्याएको छ ।

हिमाली जिल्लाका सदरमुकामहरुलाई नगरपालिकामा समेट्न मन्त्रालयले मापदण्ड नै परिवर्तन गर्ने प्रस्ताव ल्याएको हो ।

अहिलेको मापदण्डअनुसार हिमाली क्षेत्रमा नगरपालिका घोषणाका लागि कम्तिमा १७ हजार जनसंख्या पुगेको हुनुपर्ने प्रावधान थियो ।

त्यस्तै पहाडमा कम्तिमा ३१ हजार र काठमाडौ उपत्यका तथा तराई एवं भित्री मधेसमा कम्तिमा ६० हजार जनसंख्या भएपछि मात्रै नगरपालिका घोषणा गर्न सकिने व्यवस्था थियो ।

अब त्यस्तो प्रावधानलाई सच्याएर मन्त्रालयले हिमाली जिल्लाका सदरमुकामलाई नगरपालिका घोषणा गर्न जनसंख्याको मापदण्ड अनिवार्य नहुने व्यवस्था प्रस्ताव गरेको छ ।

देशमा अहिलेसम्म महानगरपालिका, उपमहानगरपालिका र नगरपालिकाको संख्या २ सय १७ वटा छन् । तर, अझैसम्म पनि कणर्ालीका केही जिल्ला सदरमुकामहरुलाई नगरपालिका घोषणा गर्न नसकेपछि मन्त्रालयले प्रावधान नै परिमार्जनको प्रस्ताव अघि बढाएको हो ।
मन्त्रालयले जनसंख्याको आकार घटाए पनि अन्य भौतिक पूर्वाधारको विकासलाई भने यथावत राखेको छ ।