Saturday 24th February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

उच्च अदालतकाे न्यायधिष् छान्नकाे लागि न्यायपरिषद् बस्दै

Monday, February 6, 2017 National Power

 २४ माघ, काठमाडौं – न्याय परिषद बैठक बस्ने तयारी भइरहेका बेला उच्च अदालतका मुख्य न्यायाधीशका एक प्रतिस्पर्धी प्रधानन्यायाधीशका पतिको उपचार गराउन बैंककतर्फ लागेका छन् ।

५ नम्बर उच्च अदालतका न्यायाधीश डा. कुलरत्न भुर्तेल प्रधानन्यायाधीश सुशीला कार्कीका पति दुर्गा सुवेदीको उपचारका लागि आइतबार बैंकक उडेका हुन् ।

तर सुवेदीसँग भुर्तेल पनि वैंकक जानु चाहिँ संयोगमात्र बनेको भुर्तेल निकट स्रोतले जनाएको छ ।प्रधानन्यायाधीश कार्कीको व्यवसायिक जीवनमा कहिल्यै दबाव नदिने स्वभावका सुवेदीलाई न्यायाधीश भुर्तेलले उपचारको जाँजोपाँजो मिलाएको स्रोतले जनाएको छ ।

हाल ५ नम्बर प्रदेशको उच्च अदालत अन्तर्गत नेपालगन्ज इजलासका एक नम्बर न्यायाधीश भुर्तेल कानुन सचिव रहेकै बेला पुनरावेदन अदालतको न्यायाधीश बनेका थिए । भुर्तेल वैंकक लागेपछि मुख्य न्यायाधीशका प्रतिस्पर्धीहरुबीच खैलाबैला मच्चिएको छ ।

यसैबीच उच्च अदालतका मुख्य न्यायाधीश सिफारिस गर्न न्याय परिषद बैठक आजै अपरान्ह बस्दैछ । १ नम्बर र ४ उच्च अदालतका मुख्य न्यायाधीश जितबहादुर केसी र पुरुषोत्तम भण्डारी सर्बोच्च अदालतको न्यायाधीश भएपछि हाल दुई मुख्य न्यायाधीश खाली छन् ।

त्यस्तै सर्वोच्च अदालतमा पनि वैद्यनाथ उपाध्याय अवकाश भएपछि एक न्यायाधीश खाली छ । गोपाल पराजुली बरिष्ठताका आधारमा न्याय परिषद सदस्य भएपछि पहिलो पटक बैठक बस्न लागेको हो ।

पराजुलीले आफ्नो उमेर कायम गरि पाउँ भनी दिएको निवेदन पनि न्याय परिषदमै छ ।