Wednesday 25th January 2023

    हेटौँडाकी सुस्मिताले न्याय पायकोमा मन्जुश्री असहाय संरक्षण केन्द्र द्वारा दिप प्रज्वलन    दशौं म्यूजिक खबर म्यूजिक अवार्डको उत्कृष्ट पाँचको मनोनयन सार्वजनिक    दोस्रो ओटु हिमालय नेपाल ब्युटिसियन एण्ड फेसन अवार्ड सम्पन्न    लक्ष्मीदास र उहाँको पुस्ताबाट अनेकौ शिक्षा लिन सकिन्छ:पूर्व प्रधानमन्त्री नेपाल    गीत सङ्गीतको क्षेत्रमा विशिष्ट योगदान पुर्याइरहेका स्रष्टा तथा सर्जकहरुलाई ‘नातिकाजी राष्ट्रिय सम्मान तथा पुरस्कार प्रदान

अाज सरस्वती पुजा, वसन्त श्रवण गरियाे

Wednesday, February 1, 2017 National Power

१९ माघ, काठमाडौं । बसन्त पञ्चमी (श्रीपञ्चमी)को अवसरमा राष्ट्रपति, उपराष्ट्रपति र प्रधानमन्त्रीले बसन्त श्रवण गरेका छन् ।

बसन्तपुर डबलीमा हरेक वर्ष श्रीपञ्चमीको अवसरमा विशिष्ट व्यक्तिहरुले बसन्त श्रवण गर्ने परम्परा छ ।

कार्यक्रममा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री प्रचण्ड, सरकारका मन्त्रीहरु लगायतले बसन्त श्रवण गरी टीका र प्रसाद ग्रहण गरेका थिए ।

कार्यक्रममा हनुमानढोका हेरचाह अड्डाका मूल पुरोहितले टीका, प्रसाद प्रदान गरेका थिए । त्यसअघि पञ्चमीको महिमासम्बन्धी श्लोक बाचन गरिएको थियो ।

कार्यक्रममा प्रधानन्यायाधीश, संवैधानिक अंगका प्रमुख, नेपाल सरकारका राजपत्रांकित विशिष्ठ श्रेणीका पदाधिकारी र चारवटै सुरक्षा निकायका प्रमुखको सहभागीता थियो ।

बसन्त श्रवण भइरहँदा परम्परागत लोकबाजा पञ्चेबाजाको धुनका साथै नेपाली सेनाले मंगल धुन बजाएको थियो ।

समारोहको व्यवस्थापन गृहमन्त्रालय, पुरातत्व विभाग, कौषीतोष खाना कार्यालय र हनुमानढोका दरबार हेरचाह अड्डाले गरेका थिए ।

परापूर्वकालदेखि बसन्त पञ्चमीका दिन राष्ट्राध्यक्ष एवम् सरकार प्रमुखलगायत नेपाल सरकारका विशिष्ट व्यक्ति हनुमानढोका पुगी बसन्तश्रवण गर्ने परम्परा रहिआएको छ ।

श्रीमदभागवत महापुराणमा भगवान् श्रीकृष्णको खोजीमा रहेकी उनकी प्रेमिका राधा र उनका साथीहरुले बसन्त ऋतुको आगमनको स्वागत गर्दै बसन्तराग गाएर भगवान श्रीकृष्णको आराधना गरेको प्रसंग उल्लेख छ ।