Thursday 26th January 2023

    हेटौँडाकी सुस्मिताले न्याय पायकोमा मन्जुश्री असहाय संरक्षण केन्द्र द्वारा दिप प्रज्वलन    दशौं म्यूजिक खबर म्यूजिक अवार्डको उत्कृष्ट पाँचको मनोनयन सार्वजनिक    दोस्रो ओटु हिमालय नेपाल ब्युटिसियन एण्ड फेसन अवार्ड सम्पन्न    लक्ष्मीदास र उहाँको पुस्ताबाट अनेकौ शिक्षा लिन सकिन्छ:पूर्व प्रधानमन्त्री नेपाल    गीत सङ्गीतको क्षेत्रमा विशिष्ट योगदान पुर्याइरहेका स्रष्टा तथा सर्जकहरुलाई ‘नातिकाजी राष्ट्रिय सम्मान तथा पुरस्कार प्रदान

साउदी राजाको भ्रमणमा ४ सय ५९ मेट्रिक टन कार्गो

Tuesday, February 28, 2017 National Power

एजेन्सी, फागुन १७ इन्डोनेसिया भ्रमणको तयारी गरेका साउदी अरेबियाका राजा सलमान बिन अब्दुल अजिजले भब्यढंगले इन्डोनेसियाको भ्रमण गर्ने भएका छन् । संचारमाध्यमका अनुसार उनले भ्रमणका क्रममा प्रयोग गर्न ४ सय ५९ मेट्रिक टन सामान पनि साथै लाग्ने छन्। भ्रमणका क्रममा उनी आफ्नै कार चढ्ने छन्।

त्यसका लागि २ वटा मर्सेडीज़ एस ६०० लिमोजीन कार पनि प्लेनबाट नै लगिने छ। उनका लागि दुईवटा विद्युतीय एलिभेटर पनि लगिने छ।

उनको सामान इन्डोनेसिया लैजाने जिम्मा पाएको एयरफ्रेइट कम्पनीजेएएसका अनुसार उक्त कार्यका लागि ५७२ श्रमिक परिचालन गरिने छ । यो हप्ता उनले इन्डोनेसियाको ९ दिने भ्रमण गर्दैछन्।

जकार्ता पोष्टका अनुसार इन्डोनेसियाको भ्रमणका क्रममा राजा सलमानको भ्रमण टोलीमा १५०० मानिस हुनेछन् जसमध्ये १० मन्त्री, २५ राजकुमार र १०० सुरक्षा गार्ड हुनेछन्।

साउदी राजा सलमानले सन् २०१५ मा अमेरिका भ्रमण गर्दा जर्जटाउनमा रहेको सबै फोर सेसन्स होटल भाडामा लिएका थिए। १००० जना रहेको उक्त भ्रमणका क्रममा स्थानीय समुद्री तट बन्द गरिएको थियो। राजाको सुरक्षा तथा गोपनीयताका लागि भन्दै तट बन्द गरिएपछि स्थानीय आक्रोशित भएका थिए ।