१२ फागुन, कञ्चनपुर- कञ्चनपुरको शुक्लाफाटा बन्यजन्तु आरक्षका जनावरहरु आरक्षबाट बाहिर आएर किसानको खेतीपाती नष्ट गर्न थालेपछि आरक्ष कार्यालय,मध्यवर्ती उपभोक्त समिति र स्थानीयको पहलमा पिपरैया क्षेत्रमा तारावार लगाउने र टेन्च खन्ने कार्य सुरु गरिएको छ ।
प्रत्येक वर्ष आरक्ष वरपरका गाउं बस्तीहरुमा जंगली हात्ति,चित्तल,वदेल लगाएतका जनावरहरु गाउ पसेर हैरानीमा पार्दै आईरहेका थिए । जंगली हात्तिले गहुंबाली मात्रै नभएर गाउंबस्तीनै मै पसेर किसानहरुका घरबारीमा समेत नोक्सानी पु¥याउदै आएका थिए ।
यसरी लगाएको गहुवाली नष्ट गर्न थालेपछि तारावार लगाउने र टेन्च खनेर छेक्वार गर्ने प्रयास भै रहेको मध्यवर्ती उपभोक्त समितिका अध्यक्ष पुष्कर वहादुर सिहले वताउनु भएको छ । जंगली जनावरका कारण पिपरैया क्षेत्रका वासिन्दाहरु त्रसित भएका छन ।