मसला बगानमा वृद्धको शव भेटियो

१२ फागुन,दमक- झापाको दमक नगरपालिका–१५ मा रहेको मसला बगानमा एक वृद्धको शव भेटिएको छ । मृतक सोही ठाउँ निवासी ६७ वर्षीय सूर्यकुमार प्रधान रहेका इलाका प्रहरी कार्यालय दमकले जनाएको छ ।

आज बिहान बाटोको नालीमा फेला परेको प्रधानको शव स्थानीयवासीले देखेपछि प्रहरीलाई खबर गरेका थिए ।

शवपरीक्षणका लागि लैजाने तयारी गरिएको र परीक्षणपछि मात्रै घटनाको विषयमा थाहा हुने इलाका प्रहरी कार्यालय दमकका प्रहरी सहायक निरीक्षक वीरेन्द्र कोइरालाले जानकारी दिनुभयो ।