Sunday 27th November 2022

    इनास अमेरिकाले सात जनालाई सम्मान गर्दै    रवि लामिछानेको चुनावी खर्च ११ लाख ८१ हजार    धाँधली भएको भन्दै झलनाथ खनालले गरे पुनः मतदानको माग    काभ्रेमा कांग्रेसका कार्यकर्ताले दिन थाले पार्टी बाट राजीनामा    चलचित्र निर्माताद्वय राणा र श्रेष्ठ प्रदेश सभामा निर्वाचित

सेयर काराेबार अाेरालाे लाग्दै

Wednesday, January 25, 2017 National Power

नेपाल स्टक एक्स्चेन्जका अनुसार केही दिनयता स्थिरजस्तो देखिएको सेयर बजार मंगलबार करिब २५ अंकले ओरालो लागेर एक हजार ४३३ बिन्दुमा आइपुगेको छ । कुल १३० कम्पनीको आठ लाख ५३ हजार ४६० कित्ता सेयर रु ३८ करोड ५७ लाख १० हजार ६७६ मूल्यमा किनबेच भएको छ । सबै समूहको सेयर ओरालो लागेपछि बजार दोहोरो अंकले घटेको हो ।

स्टकका अनुसार बैंकिङ २५.९, होटल १२.३२, विकास बैंक २०.१५, जलविद्युत् ३०.४४, फाइनान्स १८.४१, बिमा १४०.७४ र अन्य समूहको सेयर ६.६५ अंकले ओरालो लागेको हो ।

बजारमा सबैभन्दा बढी प्रभु बैंकको साधारण सेयरको किनबेच भएको स्टकले जनाएको छ । सो बैकको तीन करोड १८ लाख रुपैयाँ बराबरको सेयर कारोबार भएको छ । यस्तै एसियन लाइफ संस्थापकको दुई करोड ३५ लाख र प्रभु बैंक संस्थापकको एक करोड ५७ लाख रुपैयाँ बराबरको सेयर किनबेच भएको छ ।