Tuesday 31st January 2023

    गीतसंगीत कै शिलशिलामा देश तथा बिदेशी हिडिरहेको छु – लोकप्रिय गायक हरि कर्माचार्य    सशस्त्र प्रहरीको सीमा सुरक्षा तथा व्यवस्थापन तालिममा प्रथम भए इन्स्पेक्टर बानियाँ     ग्लोबल कलेज इन्टरनेशनलको आयोजनामा ग्लोबल एनुअल फिएस्टा २०२३ सम्पन्न    हेटौँडाकी सुस्मिताले न्याय पायकोमा मन्जुश्री असहाय संरक्षण केन्द्र द्वारा दिप प्रज्वलन    दशौं म्यूजिक खबर म्यूजिक अवार्डको उत्कृष्ट पाँचको मनोनयन सार्वजनिक

स्मिथकाे प्रेरणामा अष्ट्रेलियालाइ श्रृंखला

Thursday, January 19, 2017 National Power

कप्तान स्टिभ स्मिथको शतको मद्दतले अस्ट्रेलियाले पाकिस्तानलाई एकदिवसीय श्रृंखलाको तेस्रो खेलमा ७ विकेटले पराजित गरेको छ ।

जितसँगै अस्ट्रेलियाले पाँच खेलको श्रृंखलामा २–१ को अग्रता बनाएको छ ।

पाकिस्तानले प्रस्तुत गरेको २ सय ६४ रनको लक्ष्य अस्ट्रेलियाले ३० बल बाँकी छँदै मात्र ३ विकेटको क्षतिमा पछ्यायो ।

कप्तान स्मिथले शतकीय पारी खेल्दै १ सय ८ रन बनाए । योसँगै उनी सबैभन्दा चाँडो ३ हजार रन पूरा गर्ने अस्ट्रेलियाली खेलाडी बनेका छन् ।


उनले शतक बनाउने क्रममा ११ चौका र १ छक्का प्रहार गरे । उनलाई एकदिवसीयमा डेब्यु गरिरहेका पिटर ह्याण्डसकम्बले ८२ रन बनाउँदै राम्रो साथ दिए ।

उनीहरु बाहेक डेभिड वार्नरले ३५ तथा ट्राभिस हेडले २३ रनको योगदान दिए ।

यसअघि टस जितेर अस्ट्रेलियाले ब्याटिङ गर्न पठाएपछि पाकिस्तानले निर्धारित ५० ओभरमा ७ विकेट गुमाउँदै २ सय ६३ रन बनाएको थियो ।

पाकिस्तानका लागि बाबर आजमले सर्वाधिक ८४ तथा सर्जिल खानले ५० रनको योगदान दिए ।

अस्ट्रेलियाका लागि जस हेजलवुडले ३ विकेट लिए भने हेडले २ विकेट लिए ।

कप्तान स्मिथ म्यान अफ द म्याच घोषित भए ।