Friday 29th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

रुसको विजय सुरुआत

Sunday, June 18, 2017 National Power


४ असार, काठमाडौं – आयोजक रुसले फिफा कन्फेडेरेसन कप फुटबलमा विजय सुरुआत गरेको छ । गएराति भएको उदघाटन खेलमा न्युजिल्यान्डलाई २ – ० ले पराजित गर्दै घरेलु टोलि रुसले विजय सुरुआत गरेको हो ।
सेन्ट पिटर्सबर्ग स्टेडियममा भव्य उदघाटनका बीच भएको खेलमा रुसलाई जित दिलाउन फेडोर स्मोलोभले एक गोल गर्दा एक गोल आत्मघाती उपहार पायो । न्युजिल्यान्डका लागि माइकल बोक्सलले आत्मघाती गोल गरेका थिए ।
फिफाको ओसियाना महादेशको च्याम्पियन टोली न्युजिल्यान्डविरुद्ध रुसले सुरुवाती मिनेटबाटै एकतर्फी खेल निकालेको थियो । तर, रुसले खेलको ३१ औं मिनेटमा माइकल बोक्सलको आत्मघाती गोलबाट सुरुवाती अग्रता बनाएको थियो । डेनिस ग्लूसाकोभको प्रहार गोलमा परिणत हुनेक्रममा रहेको बेला माइकलले बल क्लियर गर्न खोज्दा बल आफ्नै पोस्टमा छिरेको थियो । आत्मघाती गोलबाट पहिलो हाफमा १ – ० ले अग्रता बनाएको रुसले दोस्रो हाफमा थप एक गोल गर्यो । खेलको ६९ औं मिनेटमा स्मोलोभले गोल गर्दै रुसलाई २ – ० को जित दिलाए ।
यो जितसँगै समूह ए मा रहेको रुसले ३ अंक जोडेर दोस्रो चरणमा पुग्ने सम्भावना बलियो बनाएको छ । विश्व फुटबल महासंघ (फिफा)को ६ महादेशका च्याम्पियन टोलीले खेल्ने कन्फेडेरेसन कपमा रुसले आयोजकको रुपमा सभागिता जनाएको हो ।यस समूहमा युरोकप विजेता तथा अहिलेका स्टार फुटबलर क्रिष्टियानो रोनाल्डोको टिम पोर्चुगल तथा मेक्सीको समेत रहेको छ । पोर्चुगल र मेक्सिकोबीचको खेल आइतबार राती हुने छ ।फिफा कन्फेडेरेसन कपमा ८ टोलीको सहभागिता रहेको छ । सहभागी टोलीलाई २ समूहमा विभाजन गरिएको छ । समूहको शीर्ष २ टोलीले सेमिफाइनलमा स्थान बनाउने छन् ।