Thursday 28th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

ट्रम्पकाे भिसा सम्बन्धि नयाँ नीति, बार्षिक १ लाख ३० हजार डलर अाम्दानी हुनुपर्ने

Tuesday, January 31, 2017 National Power

डोनाल्ड ट्रम्प सरकारले अमेरिकी संसदमा एच १-बी भिसासम्वन्धी नयाँ विधेयक पेश गरेका छन् ।

यदि यो विधेयक कानुन बन्यो भने १ लाख ३० हजार डलर बार्षिक कमाई हुनेले मात्र भिसा पाउनेछन् । हाल यो सीमा ६० हजार डलर मात्र छ ।

ट्रम्प सरकारको प्रस्ताव अनुसार नै कानुन बने ठूलो संख्यामा भारतीयसँगै नेपालीहरु समेत प्रभावित हुनेछन् ।

अमेरिकी तथ्यांकका अनुसार पछिल्लो वर्षहरुमा हरेक वर्ष एक हजार बढी नेपालीले एच १ बी भिसा पाउँदै आएका छन् ।

२०१० मा ९९१ नेपालीले यो भिसा पाएका थिए । त्यसयता हरेक वर्ष १ हजार बढीले पाएका छन् । २०१५ मा मात्र १२४४ नेपालीले यो भिसा पाएका थिए ।

भारतीयको संख्या धेरै ठूलो छ । २०१५ मा ५ लाख ३७ हजार ४५० ले एच१ बी भिसा पाएका छन्, जसमध्ये २ लाख ५३ हजार ३३७ जना भारतीय छन् ।

के हो एच१ बी भिसा ?

अमेरिकाले यस्ता विदेशीलाई एच१ बी भिसा जारी गर्छ, जो खास काममा दक्ष छ । यसका लागि खासगरी उच्च शिक्षा हासिल गरेको हुनुपर्छ ।

कम्पनीमा काम गर्नेहरुको तर्फबाट एच१ बी भिसाका लागि इमिग्रेसन विभागमा आवेदन दिइन्छ । जसको सुरुवात सन् १९९० मा तत्कालीन राष्ट्रपति जर्ज बुसले गरेका थिए ।

अमेरिकी कम्पनीहरु यस्तो भिसाको प्रयोग गरेर दक्ष जनशक्ति नियुक्त गर्न सक्छन् । यद्यपि अधिकतम भिसा आउटसोर्सिङ र्फमलाई जारी गर्ने गरिन्छ ।

र, आउटसोर्सिङ र्फममाथि आरोप छ कि यो भिसाको प्रयोग अरु कर्मचारी भर्नामा पनि प्रयोग भएको छ ।

अमेरिकी विश्वविद्यालयमा मास्टर्स डिग्री हासिल गर्नेका लागि २० हजार एच१ बी भिसा जारी गर्ने गरिन्छ ।

गत वर्ष एच १ बी भिसा पाउन लागि २ लाख बढी आवेदन परेको थियो ।