८, जेठ – इन्डियन प्रिमियर लिग (आइपीएल) क्रिकेटको उपाधि मुम्बई इन्डियनले जितेको छ। हैदरावादमा राइजिङ पुने सुपर जायन्ट्सलाई एक रनले पराजित गर्दै मुम्बईले तेस्रो पटक उपाधि जितेको हो।
उत्कृष्ट बलिङ गर्दै मुम्बईले १ सय २९ रनको पनि रक्षा गर्यो। उसको जितमा अहम भूमिका निर्वाह गर्दै मिचेल जोन्सनले अन्तिम ओभरमा ९ रन मात्रै दिएर दुई विकेट लिए। अन्तिम ओभरमा पुनेलाई जितका लागि ११ रन आवश्यक थियो। तर उसले ९ रन मात्रै जोड्न सक्यो र १ सय २८ रनमै सीमित भयो। कप्तान स्टीव स्मिथले ५१ र अजिङ्क्य रहानेले ४४ रन बनाए पनि हार टार्न सकेनन्।
मुम्बईका लागि जसप्रीत बुमराहले दुई विकेट लिए। टस जितेर पहिले ब्याटिङ गरेको मुम्बईले क्रुनाल पाण्डेको ४७ रन मद्दतमा १ सय ४७ रन बनाएको थियो।