Saturday 23rd September 2017

    युवा गायक टंक बुढाथोकीको "कसरी कसरी" नामक म्युजिक भिडियो सार्बजानिक (भिडियो सहित)    २ नं प्रदेशको ४० स्थानीय तहको परिणाम सार्वजनिक, कहाँ कसले जिते ? (सूची सहित)    अब माओवादीलाइ कसैले हेप्न सक्दैन ः प्रचण्ड    लगानीलाई सुरक्षित गर्ने वातावरण नबनाएको भन्दै टेलिकमले धरहरा पुनर्निर्माणबाट हात झिक्यो    मेक्सिकोमा शक्तिशाली भूकम्प, १०० भन्दा बढीको मृत्यु

१२० स्वास्थ्य केन्द्रका लागि १५ करोड रुपैयाँका आधारभूत उपकरण खरिद


१६ साउन, काठमाडौं – देशभरका १ सय २० वटा प्राथमिक स्वास्थ्य केन्द्रका लागि सरकारले ४३ प्रकारका आधारभूत उपचार उपकरण खरिद गरेको छ ।
ती उपकरण आफ्नो भवन भएका प्राथमिक स्वास्थ्य केन्द्रलाई आवश्यकता हेरी प्रदान गरिने स्वास्थ्य मन्त्रालय आपूर्ति व्यवस्था महाशाखाका निर्देशक डा.भीमसिंह तिनकरीले जानकारी दिए । उपचारका लागि आधारभूत उपकरण नभएको भन्दै चिकित्सक स्वास्थ्य केन्द्रमा जान आकाकानी गरेपछि १५ करोड रुपैयाँका आधारभूत उपकरण खरिद गरिएको उनले बताए । प्रयोगशालामा उपकरण, सुत्केरी गराउने शैय्या, एक्सरे मेसिन, फ्रिज, रक्तचाप नाप्ने यन्त्र, ट्रली, सुत्केरी सामग्री, ड्रेसिङ सामग्री, बिरामी जाँच गर्ने साधन लगायत उपकरण खरिद गरिएको हो । एउटा प्राथमिक स्वास्थ्य केन्द्रले छ लाख ७० हजार ९ सय ३३ रुपैयाका ४३ प्रकारका उपकरणका प्राप्त गर्ने भएका छन् ।